അവള്‍ക്കാകെ പേടി തോന്നി..ആദ്യമായാണ് ഇങ്ങനെ ഒരു സാഹസം.രാവിലെ മുതല്‍ ഒരേ വീര്പ്പുമുട്ടലായിരുന്നു.വീട്ടിലെങ്ങാനും അറിഞ്ഞാല്‍..എന്നാലും അവന് വല്ലാതെ നിര്‍ബന്ധിക്കുന്നു.കൂട്ടുകാരും സപ്പോര്‍ട്ട് ചെയ്യുന്നു. അവള്‍ ഭയത്തോടെ ആണെങ്കിലും, ഉച്ചയ്ക്കത്തെ ക്ലാസ്സ്‌ കട്ട്‌ ചെയ്തു.അവന്റെ ബൈക്കിനു പിന്നില്‍ തല കുനിച്
കണ്ണടച്ചിരുന്നു.ആരും കാണരുതേ എന്നായിരുന്നു പ്രാര്‍ഥന. അവന് എന്തൊക്കെയോ പറഞ്ഞു..അവളൊന്നും കേട്ടില്ല.ഇടയ്ക്ക് വണ്ടി നിര്‍ത്തി ഒരു ജ്യൂസ്‌ കുടിച്ചു..അവള്ക്ക് വല്ലാതെ ദാഹിച്ചിരുന്നു..
പുതിയ സിനിമ കളിക്കുന്ന തീയറ്ററില്‍ അവന് വണ്ടി നിര്‍ത്തി.അവള്ക്ക് പിന്നെയും ഭയം ഏറി.വല്ലാതെ വിയര്‍ത്തു കുളിച്ചു.മീനച്ചൂടിനെ വെറുതെ അവള്‍ പഴിച്ചു. കണ്ണുകളില്‍ കുറ്റബോധത്തിന്റെ അലയടിപ്പ്..നമുക്ക് തിരിച് പോകാം എന്ന്‌ വീണ്ടും വീണ്ടും അവള്‍ ആവര്‍ത്തിച്ചു. അവന് ധൈര്യപ്പെടുത്തി.തിരക്ക് കുറഞ്ഞ ലേഡിസ് ക്യുവില്‍ നില്‍ക്കുമ്പോള്‍ കൈയിലെ കാശു വിയര്‍പ്പില്‍ കുതിര്‍ന്നു.
സൈഡിലേക്ക് മാറ്റി നിര്‍ത്തി അവന് സ്നാക്ക്സ് വാങ്ങാന്‍ പോയപ്പോള്‍ കാശിന്റെ സ്ഥാനത് രണ്ടു മൂവി ടിക്കെറ്റുകള്‍ അവളുടെ കൈയിലെ വിയര്‍പ്പില്‍ അമര്‍ന്നു.പരിഭ്രമിച്ച അവളുടെ കണ്ണുകള്‍ അറിയാതെ മറ്റു രണ്ടു മിധുനങ്ങളില്‍ വീണു.-തന്റെ അച്ഛനും ഓഫീസിലെ 'നല്ലപെരുള്ള' ഗീതാന്റിയും.അവരുടെ വലതു കൈയില്‍ കൊരുത്തിരിക്കുന്ന അച്ഛന്റെ വിരലുകള്‍ അവള്ക്ക് അത്ഭുതമായി..! അവളെ അവര്‍ കണ്ടിരുന്നില്ല.മറഞ്ഞു നിന്ന്‌ ആ കാഴ്ച തീയറ്ററിന്റെ തണുപ്പുള്ള ഇരുട്ടില്‍ മറയുന്ന വരെ അവള്‍ മനസില്‍ പതിപ്പിച്ചു.
അവന് കൈ പിടിച് അകത്തേക്ക് നടക്കാന്‍ തുടങ്ങിയപ്പോള്‍ അവള്‍ തടഞ്ഞു.--ഇവിടെ മുഴുവന്‍ തിരക്കാണ്.പോകാം..നമ്മള്‍ മാത്രമുള്ള എവിടെക്കെങ്കിലും..!
തല നിവര്‍ത്തി ധൈര്യത്തോടെ അവന്റെ വണ്ടിയില്‍ കയറി അവളിരുന്നു,പ്രചോദിതമായ മനസോടെ..!!!
nalla achanum molum..!!
ReplyDeleteന്യൂ ജെനറേഷന് കഥ (y)
ReplyDelete