കാക്കാത്തിപ്പെണ്ണ്

കൈനോട്ടം..മഷിനോട്ടം..ലാടവൈദ്യം...

കൈനോട്ടം..മഷിനോട്ടം..ലാടവൈദ്യം...

നീതുവിന്റെ മിസ്സ്‌ കാളിനു തിരിചു വിളിക്കാന്‍ വീടിനു പുറത്തെക്ക് ഇറങ്ഗ്യപ്പോള്‍ ആണ് ദീപു അത് കേട്ടത്...അടുത്ത ആഴ്ച കെട്ടാന്‍ പോകുന്നപെണ്ണിന്റെ മിസ്സ്കാളിനു  തിരിച് വിളിക്കണോ..വിളിച്ചു കൂവുന്ന പെണ്‍സ്വരം മിസ്സാകണോ എന്ന് അവന്‍ 1 മിനിറ്റ് ചിന്തിച്ചു..

മതിലില്‍ കൂടെ  എത്തി നോക്കി..ഒരു കാകാത്തി പെണ്ണ്..!!

19..20 വയസു വരും..ചരിച്ചു കെട്ട്യ മുടിയില്‍ 4..5 നിറത്തില്‍ ഉള്ള തൂവലുകള്‍ തിരുകി വച്ചിരിക്കുന്നു..മുറിപാവാടയും ബ്ളവുസ്സും ഒപ്പം പല നിറം പടര്‍ന്നു കിടക്കുന്ന ഒരു ദുപ്പട്ടയും വേഷം..കഴുത്തില്‍ പല വലുപ്പത്തിലുള്ള കല്ല്‌ മാലകള്‍..പല നിറത്തില്‍..നീളം കുറഞ്ഞതും കൂടിയതും..കൈ നിറച് വളകളും..കാതിലും മൂകിലും തിളങ്ങുന്ന കല്ല്‌ വച്ച ആഭരണങ്ങളും..അരക്ക് കുറൂകെ വീതിഏറിയ കിങ്ങിണി കെട്ടിയ അരപ്പട്ട..നടക്കുമ്പോള്‍ അവളുടെ വിളിച്ചു കൂവലിനൊപ്പം അതിലെ മുത്തുകളും കാലിലെ തളയും വീത്യേരിയ കൊലുസ്സും മത്സരിക്കുന്നു ഒച്ച വക്കാന്‍..മൊത്തത്തില്‍ ഒരു കൊച്ചു സുന്ദരി..!!!

"സാറേ..കൈനോട്ടം..മഷിനോട്ടം..ലാടവൈദ്യം..ഉള്ളെ വരട്ടുമാ?നായ് ഇരുക്കാ ?????"

അയ്യേ..താന്‍ എത്തികുത്തി നോക്കി നില്‍ക്കുന്നതവള് കണ്ടിരിക്കുന്നു.. ഛെ !!ദീപു ജാല്യതപ്പെട്ടു.
"ഉള്ളെ വരട്ടുമാ???കൈ നോക്കി ജ്യോത്സ്യം ചൊല്ലും..മുഖലചനം കൂടെ ചൊല്ലും.." പെണ്ണ് വിടുന്നില്ല.

വിളിക്കണോ??അമേരിക്കയിലുള്ള അമ്മാവന്റെ വീട് കല്യാണത്തിന് വരുന്ന കൂടുകാര്‍ക്കായി ശരിപ്പെടുതിയതാണ്..ഒരാഴ്ച മുന്നെ എത്യ 4 പേര് ഉള്ളില്‍ ഉണ്ട്.."പാര്‍ട്ടി" പൊടി പൊടിച്ചു കൊണ്ടിരിക്കുന്നു..കാള്‍ വന്നത് കൊണ്ട് താന്‍ പുറത്തിറങ്ങി പോയെന്നു മാത്രം..ആണ്‍പിള്ളേര്  മാത്രമുള്ളടത് ഇവളെ വിളിച് കയറ്റണോ?അവന്‍ ഒരു നിമിഷം ചിന്തിച്ചു..

"സാറ് നല്ലവര് തിരുമണം,കല്യാണം..കല്യാണം..ഒരുങ്ങിയിട്ടിരുക് ഇല്ലിയാ? ആനാല്‍ കല്യാണം ഇപ്പൊ നടക്കാത്..അതാ മുഖലചനം" അവന്റെ ചിന്തിച്ചുള്ള നില്‍പ്പ് കണ്ടു അവള്‍ പറഞ്ഞിട്ട് തിരിഞ്ഞു നടന്നു..

ദീപു ഞെട്ടി..എന്റെ വൈക്കത്തപ്പാ..എന്താ അവള് പറഞ്ഞിട് പോകുന്നെ??????അവന്‍ കുടിച്ച കള്ള് മുഴുവന്‍ ഒറ്റയടിക്ക് ഇറങ്ങി..കല്യാണം വേണ്ടാന്നു വച് ഉഴപ്പി ഇരുന്നപ്പോഴാ പെങ്ങള് നീതുവിന്റെ ഫോട്ടോ അയച്ചത്..ഒറ്റ നോട്ടത്തെ ഒരുപാട് ഇഷ്ടപ്പെട്ടു പോയി..അതിന്റെ അടുത്ത ആഴ്ച ദുബായീന്ന് നാട്ടില്‍ പറന്നിറങ്ങി..പിറ്റേന് തന്നെ പെണ്ണ് കാണല്‍..അമ്പലങ്ങളില്‍ നേര്ച്ച..അവള്‍ക്കും വീടുകാര്കും ഇഷ്ടമാകാന്‍..!!ഏറ്റവും അടുത്തുള്ള മുഹൂര്‍ത്തം തന്നെ ഉറപ്പിച്ചു..!

മലേഷ്യയില്‍ രണ്ടു ആഴ്ചത്തെ ഹണിമൂണ്‍ പാക്കേജ്..!അപ്പോഴാ കാക്കാതിടെ  "കല്യാണം ഇപ്പൊ നടക്കാത്..."

'"ടി...............ഇങ്ങു വാ" ദീപു റോഡില്‍ ഇറങ്ങി നിന്നു വിളിച്ചു..നടന്നു കഴിഞ്ഞ അവള്‍ തിരിച് നടന്നു വന്നു..
"എന്താ സാര്‍  ഉള്ളെ വരട്ടുമ്മാ?"
"ഉമ്മ്മ്മം"

അവന്‍ കൌതുകത്തോടെ നോക്കി..ഒരു കൈയില്‍ ഭാണ്ടവും..മറ്റേ കൈയില്‍ മയില്‍‌പീലി കെട്ട്യ ഒരു നീണ്ട വടിയും..ഗെറ്റിനുള്ളിലെക്ക് കയറി,ഒരു വലിയ തുണി തോളിലെ ഭാണ്ഡത്തില്‍ നിന്നെടുത്തു അവള്‍ കാര്‍പോര്‍ച്ചില്‍ വിരിച്ചു..അതില്‍ ഇരുന്നു..

" എടാ ദീപുവേ.....ആരാടാ അവിടെ??"അകതുന്നു മധ്യസേവ നടത്തുന്ന 4 പേരില്‍ ഒരാള്‍.

"ഇതാ വരുന്നെടാ.." ദീപു ഉള്ളിലേക്ക് നോക്കി വിളിച്ചു പറഞ്ഞു..വേഗം ഇവളെ കൊണ്ടു ഭാവി, ഭൂതം, വര്‍ത്തമാനം ഒക്കെ  പറയിപ്പിച് പറഞ്ഞു വിടണം..അവന്മാര്‍ എങ്ങാനും ഇങ്ങോട്ട് വന്നാല്‍ കളിയാക്കി കൊല്ലും..ദീപു മനസ്സില്‍ കരുതി..നാടോടികൂടങ്ങളില്‍ പലരും ജ്യോല്സ്യതിലും വൈധ്യതിലും മിടുമിടുക്കരെന്നു  മുത്തശ്ശി പറഞ്ഞതോര്‍ത്തു..അറിവും അടവും അഭ്യാസവും തികഞ്ഞവരായിരിക്കും സ്ത്രീകള്‍ ഉള്‍പ്പെടെ ഉള്ളവര്‍..!!

"നീയെന്താ പറഞ്ഞെ??കല്യാണം ഇപോ നടക്കില്ലന്നോ ??അടുത്ത ആഴ്ചയാ പെണ്ണെ എന്റെ കല്യാണം...നടക്കില്ലത്രേ..മനുഷ്യനെ പേടിപ്പിക്കാന്‍.."അവന്‍ പുച്ച്ചതോടെ ചിരിച്ചു..അവള്‍ അവന്റെ വലതു ൈക നീട്ടാന്‍ ആവശ്യപ്പെട്ടു..നാലഞ്ചു നിമിഷം ആ കയ്യിലേക്ക് ഉറ്റു നോക്കി..പിന്നെ ഒരു നിമിഷം കണ്ണടച്ചു..മയില്‍‌പീലി ചുറ്റിയ  വടി കൈയിലെടുത്തു..ദീപുവിന്റെ മുഖത്ത് കൂടെ അത് വച് ഒന്നു തലോടി..അവന്റെ മുഖമാകെ ഒന്നു വീക്ഷിച്ചു..അവന്റെ കണ്ണില്‍ തറപ്പിച്ചു നോക്കി.നോട്ടം പിന്‍വലിക്കാതെ പറഞ്ഞു:

"സാറിനു ഇപ്പൊ കല്യാണം നടക്കില്ല..കാലതാമസം വരും..കല്യാണമാല കെട്ടേണ്ട പൂക്കള്‍ ഇനിയും  മൊട്ടിട്ടില്ല..സാറിനു ഇത് കഷ്ടകാലം..പോലീസ്.. കേസ്..എല്ലാത്തിലും അലയെണ്ടുന്ന കാലം..കാരഗ്രഹവാസം കൂടെ ഇരുക്ക് .."

  

ദീപുന്റെ മനസ്സില്‍ ഇടിവാള് മിന്നി..പോലീസും കേസും ഈശ്വരാ..വടക്കെടത്ത് പദ്മനാഭന്‍ തംബിടെ ഒറ്റ മോളാ നീതു..ചെറിയ കാരണം മതി അവര്‍ വേണ്ടാന്ന് വച്ചു കളയാന്‍. ഒറ്റ നോട്ടം നോക്കി, കല്യാണം അടുത്ത് ഉറപ്പിചെനു പറഞ്ഞ പെണ്ണാ കാകാത്തി..അവിശ്വസിക്കാനും തോന്നുന്നില്ല ഇവളെ ..ചുരുക്കത്തില്‍ മനസമാധാനം പോയി..കയിലിരിക്കുന്ന ഫോണില്‍ വീണ്ടും വീണ്ടും മിസ്സ്‌ കാള്‍..കല്യാണെപണ് -നീതു ക്ഷമകെട് വിളിക്കുന്നു..

ദീപു നിര്‍വികാരതയോടെ ഫോണില്‍ നോക്കി..

"അയ്യോ ആരിത് കാക്കാത്തിയോ?കൊള്ളാല്ലോ.."

അകത്തു നിന്നും സൂരജ്,രോഹന്‍,വിനോദ്,മഹേഷ്‌ ..നാല് പേരും എത്തി..

"അളിയാ നീ ഇവിടെ ഒറ്റയ്ക്ക് എന്തെടുക്കുവാടാ?കള്ളച്ചിരിയോടെ ചോധ്യതോടൊപ്പം സൂരജ് പോര്ചിലെക്ക് ഇറങ്ങി..

"ഇതെന്നാടി കൊച്ചെ കൈയില് പച്ച കുത്തിയതാണോ?"അടുത്ത ചോദ്യത്തിന്റെ കൂടെ അവന്‍ കാക്കാത്തിപെണ്ണിന്റെ കൈയില്‍ പിടിച്ചു..അവള്‍  കൈ വലിച്ചെടുത്തു.."ഡായ്..."..അവള്‍ മുരണ്ടു..അവന്‍ കൈ വിട്ടു.

"പെരെന്താടി..??" -രോഹന്‍..

"മാല"..

"കഴുത്തില്‍ എന്താ എന്നല്ല ചോദിച്ചെ.." സൂരജ് ആദ്യത്തെ ചമ്മല്‍ മാറ്റാന്‍ പറഞ്ഞു.

"കാതില്‍ എന്താന്നാ ഞാന്‍ പറഞ്ഞെ" കാക്കാതിയും വിട്ടില്ല..!

"ഊരെവിടെയാ ?"-മഹേഷ്‌..

"തേനി..കേരള-തമിഴ്നാട് ബോര്ടെര്‍.."

ദീപുവിന്റെ ഫോണില്‍ വീണ്ടും കാള്‍..നീതുവിന്റെ അച്ഛനാണ്..അവന്‍ വേഗം അതെടുത്തു..നീതു ആശുപത്രിയിലാണ്..!പനി ആയിരുന്നു പെണ്ണിന്.. കാണാന്‍ വാശി പിടിക്കുന്നു..ശ്ശോ ഒരുപ്പാട് നേരമായി വിളിക്കുകയായിരുന്നു പാവം..

തിരിചു വിളിച്ചുമില്ല ഞാന്‍....ഒക്കെ ഈ കാകാത്തി കാരണം..!

അവന്‍ കൂടുകാരോട് കാര്യം പറഞ്ഞു.."നിങ്ങള്‍ കൂടെ വരണ്ട..ഒന്നാമത് എല്ലാം ഫിറ്റായി കൊണ്ടു പോകാന്‍ ഫിറ്റ് അല്ലാതെ നില്‍ക്കുന്നു..ഞാന്‍ വേഗം  തിരിച് വരാം..കാകാത്തിക് വല്ലോം കൊടുത്തു പറഞ്ഞു വിട്.."അവന്‍ കാറ് എടുത് നാരായണ ഹോസ്പിടലിലേക്ക് വിട്ടു..

രണ്ടു മൂന്ന് മണികൂര് കഴിഞ്ഞാണ് ദീപു തിരിച്ചെത്തിയത്‌.കാറ് പോര്‍ച്ചില്‍ കയറ്റി ഇടുമ്പോള്‍ അവന്‍ ഓര്‍ത്തു.ഇത്രേം careful ആയി ഇത് വരെ  ഡ്രൈവ്ചെയ്തിട്ടില്ല.ഒക്കെ ആ കാക്കാത്തി കേസ്,പോലീസ്,കല്യാണം ഇപോ നടക്കില്ല..എന്നു പറഞ്ഞു പേടിപ്പിച്ചിട്ട് ..വണ്ടി ഒന്നു സ്പീഡില്‍ ഓടിക്കാന്‍ പോലും കഴിയുന്നി്ലായിരുന്നു എങ്ങാനും തട്ടിയാലോ മുട്ടിയാലോ?അതും മതി..പോലീസുംേകസും ആകാന്‍!ഒരു റിസ്കിനും വയ്യ.ഒരു പെണ്ണ് കാത്തിരിക്കുന്നുണ്ട്.. അവന്റെ ചുണ്ടില്‍ ചിരി ഊറി. 

പോര്‍ച്ചില്‍ നിന്നു അകത്തേക്ക് കടന്നതും അവന്‍ ഞെട്ടി.ഹാളിലെടീപോയില്‍ നിന്നും തറയിലേക്ക്പൊട്ടി ചിതറി കിടക്കുന്ന കുപ്പികള്‍..ചിക്കന്‍ പീസുകളും ചിപ്സും അച്ചാറും എല്ലാംകൂടെ  തറയിലാെക വലിച് വാരികിടക്കുന്നു..ഒപ്പം പൊട്ട്യ പ്ലേറ്റിന്റെ കഷണങ്ങളും..കസാരകള്‍്‍ മറിഞ്ഞു കിടക്കുന്നു.. ആകെ  ഒരു അടിപിടി നടന്ന ലക്ഷണം..പക്ഷെ ആളനക്കമില്ല..!!

"രോഹന്‍.....സൂരെജ....എടാ മെഹേഷ.." ദീപു ആധിയോടെ വിളിച്ചു..ഇവന്മാരിതെവിടെ പോയി കിടക്കുവാ..പെട്ടെന്നാണ്  അവന്‍ അത് കണ്ടത്..പൊട്ടിയ കുപ്പികളുെടയുംപാത്രങ്ങളുടെയും ഒക്കെ കൂടെ തറയില്‍ചിതറിക്കിടക്കുന്ന മുത്തുകള്..പലനിറത്തിലുള്ള മുത്തുകള്..ഒപ്പം ഒന്നു രണ്ടു വളയും..

"കാക്കാത്തി .." അവന്റെ ചുണ്ട് വിറച്ചു..

അവന്മാര് അവെള..അവന്‌ തല പെരുത്തു..ഒറ്റ മിനിറ്റില്‍ ദീപു വിയര്‍പ്പില്‍ കുളിച്ചു..തൊണ്ട വരണ്ടു വറ്റി..താഴത്തെ രണ്ടു മുറിയിലും ആളനക്കമില്ല..അവന്‍ പതിയെ രണ്ടാമതെ  നിലയിലേക്ക് സ്റെപ്പു വച്ചു..ഓരോ ചുവടിലും ഒരു പെണ്‍കുട്ടിയുടെ നിലവിളി അവന്റെ കാതില്‍ വന്നലക്കുന്ന പോലെ തോന്നി..അവളെ പറഞ്ഞയച്ചിട്ട് പോയാല്‍ മതിയായിരുന്നു.കുടിച്  ബോധമില്ലാതെ നിന്ന അവന്മാരെ ഏല്‍പ്പിച്ചു പോയി..അതിന്റെ ജീവന്‍ ബാകി ഉണ്ടായിരുന്നെങ്കില്‍ മതിയായിരുന്നു..എന്തൊരു മണ്ടനാണ് ഞാന്‍..!

മുകളിലെ ഹാളില്‍ സെറ്റിയില് പുറം തിരിഞ്ഞു കിടക്കുകയാണ് മഹേഷ്‌..സമീപത്തെ ഗ്ലാസ്‌ ടീപോയ്  പോട്ടിചിതരിയിട്ടുന്ട്..പിടിവലി നടന്നഎല്ലാ ലക്ഷണവും കാണാം.."എടാ..എടാ മഹേഷേ..."ദീപു ദേഷ്യത്തോടെ വിളിച്ചു.."ഉമ്മ്മം" മഹേഷ്‌ ഒന്നു മൂളി..

"എവിടാടാ?എവിടാടാ ആപെണ്ണ്? നിങ്ങള്‍ അതിനെ എന്താടാ ചെയ്തെ............? "ഒപ്പം വായില്‍ വന്ന ഒരു തെറിയും  ദീപു വിളിച്ചു..മഹേഷ്‌  ഒന്നു ഞരങ്ങി..അതെ കിടപ്പ് തന്നെ.."എന്താടാ എന്താ മിണ്ടാതെ"? ദീപു ബലമായി അവനെ പിടിച്ചു തിരിചു..

കഴുത്തില്‍ നിന്നു നെഞ്ജിലേക്ക് ഒഴുകി പടരുന്ന ചോര..ദീപു ഞെട്ടി തെറിച്ചു..

"എടാ..എന്താടാ ഇത്..." ദീപു തന്റെ  കയ്യിലേക്കും ദേഹത്തെക്കും  പടരുന്ന ചോരയുെട ചൂടിലും ഗന്ധത്തിലും വിമ്മിട്ടപ്പെട്ടു..മഹേഷിന്റെ കഴുത്തില്‍ ഒരു ഭാഗം ആഴത്തില്‍ മുറിവ് ഉണ്ടായിട്ടുണ്ട് .കൊഴുത്ത ചോര അതെ ഭാഗത്തെ ചെവിയിലൂടെയും ഒഴുകി വരുന്നുണ്ട്..കഴുത്തിലൂടെ മെലിഞ്ഞു നീണ്ട കത്തിയോ മറ്റോ കയറ്റിയതാണ് . കഴുത്തിലെ ഞരമ്പുകള്‍ അറുത്ത് തലച്ചോറ് വരെ  അത് തുളച്ചിട്ടും ഉണ്ട്..അതാണ്‌ ചെവിലൂടെ ഉള്ള രക്തസ്രാവം..ദീപുവിന്റെ ശരീരം തളര്‍ന്നു..

"മഹേഷേ എവിടെ ബാകി ഉള്ളവര്?മഹേഷ്‌ തൊട്ടടുത്ത മുറിയിലേക്ക് നോട്ടമയച്ചു..ദീപു വേച്ചു വേച്ചു  അങ്ങോട്ട്‌ കുതിച്ചു..തറയില്‍ പല നിറത്തിലുള്ള തൂവലുകള്‍ ചിതരികിടന്നിരുന്നു..അത് അവനെ വീണ്ടും കാക്കാതിയെ ഓര്‍മിപ്പിച്ചു.

മുറിക്കുള്ളില്‍..

തറയില്‍ കമിഴ്ന്നു കിടക്കുന്ന രോഹന്‍..അവന്റെ ഷര്‍ട്ട്‌ വലിച് കീറിയ നിലയിലും..ശരീരത്തിന്റെ പുറകിലായി ചോര കിനിയുന്ന രണ്ടു മുറിവ്കളും അവന്‍ കണ്ടു..കട്ടിലില്‍ മലര്‍ന്നു കിടക്കുന്ന വിനോദിന്റെ ശരീരം പകുതിയോളം തറയിലേക്ക് തൂന്ഗ്യ നിലയിലാണ്..മഹേഷിനു  പറ്റിയപോലെ കഴുത്തില്‍ അതെ  ഭാഗത്ത്‌ മുറിവും ചെവിയിലൂടെ  ഉള്ള രക്തസ്രാവവും..ഒഴുകി പടര്‍ന്ന ചോര ഏതാണ്ട് തറയില്‍ തളം കെട്ടി , കട്ട കെട്ടി നില്‍ക്കുന്നു..!ദീപു രണ്ടുപേരുടെയും അടുത്ത് ചെന്നു നോക്കി..കുലുക്കി വിളിച്ചു..അനക്കമില്ല...പുറമേ ശരീരത്തില്‍ മുറിവുകള്‍ കുറവാണ്..ഒരൊറ്റ മുറിവ് മാത്രം..കഴുത്തിലൂടെ  തലയിലേക്ക്..അതിലൂടെ വലിച്ചു പൊട്ടിച്ച ഞരമ്പും മുറിവേറ്റ തലച്ചോറും....

"പോയി..രണ്ടും പോയി.."ദീപു പുലമ്പി..

പുറത്തെ  ബാല്കണിയിലെക്കുള്ള  വാതില്‍ തുറന്നു കിടപ്പുണ്ടായിരുന്നു..അതിലൂടെ രണ്ടു കാലുകള്‍ അവന്‍ കണ്ടു..

"സൂരജ്.." വിളിച്ചു കൊണ്ടു അവന്‍്‍ ഓടിച്ചെന്നു..കാലുകള്‍ രൂമിനുള്ളിലുംതലഭാഗം ടെറസിലും ആയി മലര്‍ന് കിടക്കുന്ന സൂരജ്...അനക്കമില്ല..അവന്റെ തല പൊട്ടിയിട്ടുണ്ട്..കഴുത്തിന്‌ കുറുകെ  എണ്ണമറ്റ മുറിവുകള്‍..മറ്റുള്ളവരെ പോലെയല്ല..പകുത്യോളം കഴുത് മുറിഞ്ഞു തൂന്ഗ്യ നിലയിലാണ്....ദീപുവിനു തല ചുറ്റി...കണ്ണില്‍ ഇരുട്ട് കയറി..എന്താ നടന്നെ ഇവിടെ ???എവിടെ അവള്‍...?കാക്കാത്തി?

"അയ്യോ..മഹേഷ്‌ .." ദീപു സൂരജിന്റെ പിടി വിട്ട്  മഹേഷിന്റെ അരികിലേക്ക് ഓടി.. ജീവന്റെ ചെറിയ തുടിപ്പ് അവനെ ഉളൂ...രക്ഷിക്കണം..അവനെഎങ്കിലും.. ദീപു അവനെ വാരി എടുക്കാന്‍ ശ്രമിച്ചു..മഹേഷ്‌ വേദന  കൊണ്ട് പുളഞ്ഞു..

അവന്‍ കൈ  കൊണ്ടു ദീപുവിനെ വിലക്കി..എഴുന്നെല്പ്പിക്കണ്ട  എന്നഅര്‍ഥത്തില്‍..തറയില്‍ കിടന്ന ഒരു കുപ്പി കൈയെതിചെടുത്  ദീപു അവന്റെ വായിലേക്ക് വെള്ളം ഒഴിച്ച് കൊടുത്തു..

"എന്താടാ..എന്താടാ ഉണ്ടായേ??"ദീപുവിന്റെ കണ്ണു നിറഞ്ഞു..സ്വരം ഇടറി..
"നീ ക്ഷമിക്കടാ ദീപു..അവളെ ഞങ്ങള്‍..തെറ്റ് പറ്റിപൊയെടാ..ഞങ്ങളാ അവളെ ഉപദ്രവിക്കാന്‍ ശ്രമിച്ചത്‌..പക്ഷെ അവള്..സാധാരണ പെണ്ണാണ്‌ കരുത്യത്..ഞങ്ങള്‍ടെ തെറ്റ്.."ദീപു അമ്പരന്നു..നാല് പുരുഷന്മാെര ആണ് അവള്‍..ഒറ്റയ്ക്ക്..അവന്‍ വീണ്ടും മുത്തശ്ശി പറഞ്ഞതോര്‍ത്തു..അറിവും അടവും അഭ്യാസവും തികഞ്ഞവരായിരിക്കും സ്ത്രീകള്‍ ഉള്‍പ്പെടെ ഉള്ളവര്‍..കാക്കാലന്മാര്..നാടോടികള്..!!അലഞ്ഞു തിരിയുന്ന..അല്ലങ്കില്‍ തെരുവില് കഴിയുന്ന പെണ്ണുങ്ങള്‍ക്ക്‌ മാനഭിമാനങ്ങള്‍ ഇല്ലന്നു കരുത്യ ഇവന്മാര്‍ക്ക് തെറ്റി.തന്റെ കൂട്ടുകാര്‍ക്ക് ..!!ആരെയും നിസാരരെന്നു കരുതരുത്..ദൈവം ഒന്നിനെയും വെറുതെ  സൃഷ്ടിക്കുന്നില്ല..മഹേഷ്‌ ഒന്നു വെട്ടി  വിറച്ചു..അതോടെ അവനും...!!!

ദീപു തളര്‍ന്നിരുന്നു....

പെട്ടെന്ന്..അവന്റ ഫോണ്‍ ശബ്ധിച്ചു.നീതുവാണ്...അവന്‍ നിരാശയോടെ കണ്ണുകള്‍ ഇറുക്കി അടച്ചു..!!

"സാറിനു ഇപ്പൊ കല്യാണം നടക്കില്ല..കാലതാമസം വരും..സാറിനു ഇത് കഷ്ടകാലം..പോലീസ്.. കേസ്..എല്ലാത്തിലും അലയെണ്ടുന്ന കാലം..കാരഗ്രഹവാസം കൂടെ ഇരുക്ക്.."

കാകാത്തിയുടെ വാകുകള്‍ അവന്റെ  കാതില്‍ വീണ്ടും മുഴങ്ങികൊണ്ടെ  ഇരുന്നു..

-എങ്കിലും എന്റെ കാക്കാത്തി..............???????????????!!!!!!!!!!!!!