Thursday 21 July 2011

വിടരാത്ത പൂമൊട്ടുകള്‍ ..

അവളൊരു പൂമൊട്ട്..
പനിനീര്‍ പൂമൊട്ട്..
പാതി വിടര്ന്നപ്പോേഴ അവന്‍ നിര്‍ബന്ധപൂര്‍വം അവളെ , അവളുടെ  വീട്ടില്‍ നിന്നു പറിച്ചു സ്വന്തം വീട്ടിലേക്ക് കൊണ്ടു വന്നു..അവന്‌ അതില്‍ തെല്ലും ദുഖം ഇല്ലായിരുന്നു..പക്ഷെ അവള്‍ക്കു ഉള്ളാലെ വല്ലാത്ത സങ്കടം ഉണ്ടായിരുന്നു. . അവനതറിഞ്ഞില്ല..അറിയാന്‍ ശ്രമിച്ചില്ല..!

അവന്റെ വീട്ടില്‍  അവള്‍ക് വല്ലാതെ വീര്‍പ്പ് മുട്ടി..അവന്‍ തിരക്കുകളിേലക്ക് കുതിക്കുന്ന സമയങ്ങളില്‍ അവള്‍ തീര്‍ത്തും ഒറ്റപെട്ടു.പൂക്കളെ  ഒരുപാട് സ്നേഹിച്ചിരുന്ന അവള്‍ അവിടെ മനോഹരമായ ഒരു പൂന്തോട്ടം ഒരുക്കാന്‍  ശ്രമിച്ചു..ഒട്ടൊരു ആശ്വാസത്തിന്..! ആദ്യം തമാശക്കും പിന്നീട്  ഗൌരവമായും അവള്‍ അതിനെ കാണാന്‍ തുടങ്ങി..

ഒരിക്കലും പൂക്കള്‍ ഇറുക്ക്‌വാനോ  മുടിയില്‍ ചൂടുവാനോ അവള്‍  ആഗ്രഹിച്ചിരുന്നില്ല..ചെടി മൊട്ടിട്ട് അത് വിടര്‍ന്നു പൂവായി..അതില്‍ വണ്ടുകളും പൂമ്ബാറ്റകളും വന്നു തേനുണ്ട്, കൊഴിഞ്ഞ്‌..ആ ചെടിയുടെ തന്നെ പാദങ്ങളില്‍ വീണലിയുന്നത് കാണാന്‍ അവള്‍ ആഗ്രഹിച്ചു..

സൗന്ധര്യത്മകമായ മനസായിരുന്നു അവളുടേത്‌. പൂക്കളിരുക്കുമ്പോള്‍  ചെടിക്ക് വേദനിക്കും എന്നവള്‍ ഭയന്നു;തന്നെ പറിച് മാറ്റിയപ്പോള്‍  തന്റെ അച്ഛനമ്മമാര്‍ക്കും അത് പോലെ വേദനിചിരിക്കുമെന്നു ഓര്‍ത്തു കൊണ്ട്..!!  അച്ഛനമ്മമാരെ ഓരോ ചെടിയിലും അവള്‍ കണ്ടു..അവനറിയാതെ അവരെ സ്നേഹിച്ചു ശുശ്രൂഷിച്ചു..ആഹാരവും വെള്ളവും കൊടുത്തു..

കിടപ്പ്മുറിയുടെ ജനാലക്കരികിലായിരുന്നു പൂന്തോട്ടം ഒരുക്കിയിരുന്നത്..ചെടികള്‍ വളരുന്നത്‌ രാത്ര്യിലാണത്രെ.പല ദിവസങ്ങളിലും അവള്‍ ഉറങ്ങാതെ ജനാലക്കരികില്‍ നിന്നു..പുത്യ ഇലകളുംനാമ്പുകളും വരുന്ന ചെടികള്‍.. കുടെതറ്റിയും മുല്ലയും പനിനീര്‍ ചെടികളും നിശാഗന്ധിയും നന്ദ്യാര്‍വട്ടവും ചെമ്പകവും എല്ലാം വളരുന്നതും മൊട്ടിടുന്നതും പൂക്കള്‍ വിടര്തുന്നതും അവള്‍ സ്വപ്നം കാണും..പടരുന്ന ചെടികളെല്ലാം ജനലഴികളിലെക്ക് പടര്തിയിരുന്നു.. നിലാവുള്ള
തെളിഞ്ഞ രാത്രികളില്‍..അവള്‍ അവരെ ജനാലയിലൂടെ  കണ്ടു നില്‍ക്കും.നിറഞ്ഞ മനസോടെ..!!

മാസങ്ങള്‍ കടന്നു പോയി..ഋതുക്കള്‍ മാറി..
വസന്തം വന്നെത്തി..പൂക്കാലം..പ്രകൃതിയുെട ഉത്സവകാലം..

അവളുടെ പൂന്തോട്ടം വളര്‍ന്നു പന്തലിച്ചു. ചുവപ്പിലും വെള്ളയിലും നീലയിലും മഞ്ഞയിലും ഒക്കെ പൂമൊട്ടുകള്‍  തല പൊക്കി ഓരോ ചെടിയിലും.. മുഴുവന്‍ സമയവും അവള്‍ടെ ശ്രദ്ധയും പരിപാലനവും അവര്‍ക്ക് കിട്ടി..അവരോടു സംസാരിച്ചും കളിപറഞ്ഞും അവളുടെ ദിവസങ്ങള്‍ കൂടുതല്‍ ദീപ്തമായി..
പക്ഷെ..

തീരെ  പ്രതീക്ഷിക്കാത്തതാണ് സംഭവിച്ചത്..അവന്റെ കടന്നു കയറ്റം..മൊട്ടുകളും..പാതി വിര്‍ന്ന മൊട്ടുകളും വേര്‍തിരിവില്ലാതെ  ഇറുക്കപെട്ടു.. ചിലപ്പോള്‍ ഒന്നോ രണ്ടോ ആയി..മറ്റു ചിലപ്പോള്‍ കൂട്ടത്തോെട..അവനതു ഒരു നേരം പോക്ക്..ഒരു രസം..അടര്ത്യ പൂമൊടുകള്‍ മേശപുറത്തെ കണ്ണാടി പാത്രത്തിലോ ചിലപ്പോള്‍ കസാരയിലോ..മറ്റു ചിലപ്പോള്‍ അവരുടെ കിടപ്പ് മുറിയിലെ  കിടക്കയിലോ അവന്‍ കൊണ്ടിട്ടു..

അവള്‍..വിടരാനാകാതെ  അടര്തപ്പെട്ട  പൂമൊട്ടുകളുടെ നിലവിളി കേള്‍ക്കാനാതെ  കാതുകള്‍ ഇറുക്കി അടച്ചു..അവളുടെ വാക്കുകള്‍.. എതിര്‍പ്പ്..എല്ലാം അവന്‌ തമാശ ആയിരുന്നു..അവളെ  ചൊടിപ്പിക്കാനായി അവന്‍ വീണ്ടും വീണ്ടും അത് ആവര്‍ത്തിച്ചു കൊണ്ടിരുന്നു..വിടരും മുന്‍േപ നഷ്ടപ്പെട്ട പൂമൊട്ടുകളെ ഓര്‍ത്തു വിലപിക്കുന്ന ചെടികലോട് അവള്‍ക്കു വാക്കുകള്‍ നഷ്ടമായി..നഷ്ട്ടപെട്ട പൂമൊട്ടിന്റെ  ഓര്‍മയില്‍ നീറുന്ന ഹൃദയങ്ങള്‍ , ഓരോ ചെടിയിലും വേദനയോടെ  സ്പന്ദിക്കുന്ന സ്വരം- അവളുടെ ഉറക്കം കെടുത്തി..!

അവള്‍ ഒരുപാട് ചിന്തിച് കൂട്ടി..ഒടുവില്‍‍ ഒരു ദിനം പൂന്തോട്ടം അപ്പാടെ  വെട്ടി മാറ്റി..!!എല്ലാ ചെടികളെയും വേദനയില്‍ നിന്നും,  ഇനി വരാനിരിക്കുന്ന വേദനകളില്‍ നിന്നും അവള്‍ വെട്ടി മാറ്റി..ഇനി അവയ്ക്ക് വിടനാകാത്ത പൂമൊട്ടുകെള ഓര്‍ത്തു വിഷമിക്കേണ്ടതില്ല..ഓരോ ചെടിയും,എന്തിനു പുല്‍നാമ്പ് വരെ ..എല്ലാം എല്ലാം വെട്ടി മാറ്റി..
വീണ്ടും അവിടം തരിശായി..അവളുടെ മനസും..! അവള്‍ ദീര്‍ഘമായ ദുഖതിലാണ്ടു..ഊണില്ലാതെ  ഉറക്കമില്ലാതെ  അവള്‍ വസന്തത്തെ  ഓര്‍ത്തു വേദനിച്ചു..

അവനറിഞ്ഞില്ല ഇതൊന്നും..അറിഞ്ഞിട്ടും കാര്യമായി എടുത്തില്ല- പൊട്ടിപെണ്ണ് എന്ന്‌ ചിരിച്ചു തള്ളി ! ചിലപോഴെങ്കിലുംചിലര്‍ക്ക് നിസാരമായത് മറ്റു ചിലര്‍ക്ക് ജീവിതം തന്നെ  തകിടം മറിക്കുന്ന അവസ്ഥകളായി മാറാം..ഇവിടെയും അങ്ങിനെ തന്നെ..!അവള്‍ വല്ലാതെ  ഉള്‍വലിഞ്ഞു..

പ്രകൃതിക് മാത്രം അവളില്‍ കനിവ് തോന്നി..പ്രകൃതി അമ്മയല്ല്ലേ ..?
കോടാനുകോടി ചരാചരങ്ങളുടെ  അമ്മ..!!
വസന്തം അവളിലേക്ക് ഇറങ്ങി ചെന്നു..
മാതൃത്വത്തിന്റെ നിറവസന്തം..!!
അവളുടെ ഉള്ളിലൊരു പൂമൊട്ട്..!!
താനൊരു ചെടിയായി മാറിയ പോലെ  അവള്‍ക്കു തോന്നി..
പൂമൊട്ട് പേറുന്ന ഒരു കുഞ്ഞു ചെടി..

സന്തോഷം അധികം നീണ്ടു നിന്നില്ല..അവന്‍ ആ പൂമൊട്ടും ഇറുത്തെടുക്കാന്‍ അവളെ പ്രേരിപ്പിച്ചു.. നിര്ധന്ധിച്ചു.. വഴക്കിട്ടു..!! ഇത്തവണ അവള്‍ക്കു ചിന്തിക്കാനുണ്ടായിരുന്നില്ല..വെട്ടി മാറ്റി..ചെടിയെയോ മൊട്ടിനെയോ അല്ല.. അവനെ.. വെട്ടി വെട്ടി മാറ്റി..ഉള്ളിലെ കുരുന്നു ജീവനെ രക്ഷിക്കാന്‍..!

നരഹത്യാനിയമം അവളെ ശിക്ഷിച്ചില്ല..പകരം ചികിത്സക്ക് അയച്ചു..10മാസങ്ങള്‍ക്ക് ശേഷം..മനോരോഗാശുപത്രിയിലെ നിലാവ് പെയ്യുന്ന ഒരു രാത്രിയില് ആ മൊട്ടു വിടര്‍ന്നു. ഒരു നിശാഗന്ധി പൂവുപോലെ!സ്മ്രിതിയിലാണ്ട അവന്റെ ജീവന്‍ വീണ്ടും ആ കുരുന്നിനുള്ളില്‍ തുടിച്ചു..വിടര്‍ന്ന പൂവിനെ  മാറോടടുക്കി അവള്‍ ഉറങ്ങി..താളം തെറ്റിയിട്ടും..താരാട്ടു നിറഞ്ഞ മനസോടെ!
ആകാശ ചെരിവില്‍ നിന്ന് ഇളംകാറ്റായി വന്ന് അവനും അവരെ  കരുതലോടെ പുണര്‍ന്നു....
തന്റെ  ഭ്രാന്തിയായ പെണ്ണിനേയും --താന്‍ ഇറുതുമാറ്റാന്‍ തുനിഞ്ഞ , തന്റെ  ജീവന് തുടിക്കുന്ന ആ കുഞ്ഞിനെയും..
സ്നേഹത്തോടെ..(സങ്കടത്തോടെ )!

എവിടെയാണ് പിഴച്ചത്..?അവന്റെ  പിടയുന്ന ആത്മാവ് തിരഞ്ഞു..വീട്ടുകാരെ  ധിക്കരിപ്പിച്  ഒരുമിച്ച് ഒരു ജീവിതത്തിനു കൂട്ടിയതോ? രാജകുമാരിയെ പോലെ നോക്കാന്‍ ഓടിപാഞ്ഞ് കഷ്ടപെട്ടതോ..? അതിനിടയില്‍ എപ്പോഴും കൂടെ  ഇരിക്കാന്‍ കഴിയാഞ്ഞതോ?

ഭക്ഷണവും ഉറക്കവും വെടിഞ്ഞുള്ള പൂന്തോട്ടപരിപാലനവും..ചില മാറ്റങ്ങളും..ആദ്യം തോന്നലായി കരുതി..പിന്നെ  അവളറിയാതെ  ചികില്സിപ്പിക്കാന്‍ ശ്രമിച്ചു..കൂടെ നിര്‍ത്തി ഭാവമാറ്റങ്ങള്‍  ശ്രദ്ധിച്ചു..അതിനായി പൂക്കളും പൂമൊട്ടുകളും അടര്തിമാറ്റി..എല്ലാം അവള്‍ടെ ചില്കിസയുടെ ഭാഗമായി ഡോകട്റുടെ  നിര്‍ദേശപ്രകാരം... ഒടുവില്‍..കഴിപ്പിക്കുന്ന മരുന്നുകള്‍ക്കൊപ്പം അവള്‍ക്കൊരു കുഞ്ഞിനെ കൂടി താങ്ങാനാകില എന്നറിഞ്ഞപ്പോള്‍ എനിക്ക് ഈ കുഞ്ഞിനെ വേണ്ട എന്ന് വാശി പിടിച്ചു..വേദന തോന്നിയില്ല കാരണം..കുഞ്ഞിനെക്കാള്‍് വലുത് അവളായിരുന്നു..

എന്നിട്ടും അവള്‍ എന്നെ..
സാരമില്ല..അവളല്ല..അവളല്ല..അത് ചെയ്തത്..ബോധപൂര്‍വം അവള്‍ക്കതിനു ആകില്ല..അവന്‍ കാറ്റിന്റെ കൈകളാല്‍ അരുമയോടെ അവളെ തഴുകി...ഞാനുണ്ട്..കാവലായ് എന്നും..

3 comments:

  1. Enikkathra dahichilla.. Kadha pranja reethi nannaayirunnu.. pakshe evideyokkeyo pizhachille ennu thonni.. tharakkedilla..
    keep writing.. U have immense talent

    ReplyDelete
  2. This comment has been removed by the author.

    ReplyDelete
  3. എല്ലാത്തിനും രണ്ടു വശങ്ങള്‍ ഉണ്ട്. ചില്ലരുടെ ശെരി മറ്റുചിലര്‍ക്ക് തെറ്റാവും, പുതുവേ കഥകള്‍ എഴുതുമ്പോള്‍ പ്രധാന കഥാപാത്രത്തിന്റെ ചിന്തഗതിയവും പ്രതിഫലിപ്പികുക്ക, ഇ രീതിയില്‍ കഥ പറഞ്ഞത് നന്നായി.

    ReplyDelete

എഴുതുന്നത് എന്റെ ഇഷ്ടം..അഭിപ്രായങ്ങള്‍ നിങ്ങളുടെയും..